السلام عليكم ورحمة الله وبركاته

كيف حالكم ؟

اليوم وبعد ما شفت الاقبال الهائل على فكرتي الأولى اللي طرحتها سابقاً بالمدونة

واللي حصلت من خلالها جائزة نوبل وبراءة الاختراع

وغير الجائزات الاخرى والشهادات والاكراميات

واللي صارت حرب عالمية ثالثة بين امريكا واليابان من يشتري فكرتي ويحصل على الاولية في الانتاج والاستثمار << برااااا

http://shafooq.3alamy.org/blog/?p=374

قررت احط لكم فكرة لأختراع ثاني

ذيك لها علاقة بشيء وذا له علاقة بشيء هع هع

نبدأ

تخيل انك طالع مكان شيء جذي على البحر

جو رومانسي وورد وشموع وحركات وموج البحر والقمر طالع

الرمل الذهبي الكشخة < برا

أو تشوف منظر حلو جداميك ويحدث مرة وحدة كل 1000 عام < اوخص خخخ

ويجي لك خاطر تصوره

بس يا للأسف

يا أن الكاميرا مو جنبك أو أنها ما تصيد لك الصورة مثل ما تشوفها

يعني ما تطلع لك اضاءة المكان عدل

أو تصورها لك مهزوزة

ومو حلوة مثل حلاها بالطبيعة

وتصير معاي هالحالة على طول

أموت من القهر صراحة

فقلت يالله يا شفوق طلعي شطارتج وفكري بخطة

جه ببالي ان اسوي كاميرا شفافة تكون بشكل عدسات ( عدسات نظر ) تتركب بالعين

ويكون معاها ذي اللي شيمونه < مو عارفة توصف

شاشة مثل الكاميرا

وكل اللي نشوفه ينرسل عبر اشارات بلوتوث خاصة بين العدسة والشاشة

وويبين في الشاشة الصورة مثل ما تشوفها بالضبط

واذا عجبتك الزاوية اللي تطالع منها تضغط ع زر موجود بالشاشة وتنحفظ الصورة

وتنزلها ع اللاب مثل الكام العادي

وكان الله غفوراً رحيماً

شرايكم باختراعي هع

تصدقون عاد

المفروض امريكا او اليابان يتبنوني لأفكاري الجهنمية

بس من يقدر مواهبي هع هع

وحياكم الله

5 ردود لـ to “الجنون فنون 2”