السلام عليكم ورحمة الله وبركاته

كيفكم شعبي

إن شاء الله مناح

والله من قلب قلب قلب قلبي وحشتوووووووني

بس شسوي ظروفي قطعتني عنكم من غير سابق انذار

وانا راجعة اعوض اللي فات بقدرة واحد احد فرد صمد

الامتحانات كانت بلاوي من الصعوبة صرنا نبكي ونصيح

اول امتحان كان البدن ( التربية الرياضة – ألعاب القوى ) بصراحة داخلة ب 50 من 100 لكن لأني ما ذاكرت عدل هببت بالامتحان هههههههه يا ساتر

ثاني امتحان كان تقن ( تقنية معلومات واتصال – البرمجة بلغة الفيجول بيسك دوت نت ) هذا مقرر ما يبي له كلام كان من قلب حلو واستانسنا بيه وصرت اعرف اصمم برامج والحمدلله 100 ، ولو كانوا يقدرون يعطون اكثر كان عطوني 120 هع هع

ثالث امتحان كان الحيا ( الاحياء – الايض والاتزان 2 ) وش اقولكم من قلب نكتة هههههه ، بصراحة المعلمة فديتها من قلب فديتها كنت ناقصة باختبار درجتين ، طلعتهم لي بالغصب وخلت لي علامة كاملة ، ودخلت الامتحان بالخمسين كاملة ، لكن الله يلعن الوزاة ويلعن التكاثر الخضري في النبات لاني ما ركزت عليه فانصميت اووف بس يالله الحمدلله

رابع امتحان كان ريض ( الرياضيات – الجبر ) زفت فيه اول مرة اجيب هالدرجة ، الامتحان كان صعب وافكار والوقت ما يكفي شوي وبصيح ولا هالمعلمة اللي ما تعرف تشرح ، بالله قولوا لي اللوغاريتم والاسس والسيجما والعملية الاثنانية احد يزفت فيهم ، الى التحسين والاعادة وإن شاء الله اجيب فيه 100

خامس امتحان كان كيم 1 ( الكيمياء – كيمياء العضوية ) وش هالامتحان هببت فيه ، كان مباشرة بعد خطوبة اختي ، تعب خطوبة اختي ولا مذاكرته الصعبة ورحت الامتحان بدل البنات ما يسالوني شخبار المذاكرة ، قالوا شخبار العرس استانستي ، من حنتج من ومن …. ومن هالاسئلة اللي مالها هدف بالحياة << لا يسمعوني واتصفق ترى ما قلت شيء هذي وجهة نظر ، المهم ، ما بقولكم كم يبت لان يفشل ههههههه

سادس امتحان كان انج ( انجلينزي ) وش هالامتحان بلاوي انصمينا بيه صمة ، كان سهل وكنت مستانسة وبالاخص ان الريدنغ عن اليابان ، واللسننع تافه ، والرايتنغ بلاوي ، وداخلة بدرجات لا باس وفرحانة بجيب زين ، لكن انصميت صمة بالدرجة مو معقولة وهذا اللي نزل معدلي الى الحضيض

سابع امتحان كان عرب ( اللغة العربية - الادب والحياة ) صج تعبت بمذاكرته بس الحمدلله الدرجة حلوة ، لكن دعيت ع اللي حط المقرر ما كملت دراسته الا الساعة 12 نص الليل << اللي يقول بالمواد الثانية تكمل الساعة 7 المغرب هههههه ما فرقت بس حلو المقرر احفظ تنجح خخخخخ

ثامن امتحان كان كيم 2 ( كيمياء – كيمياء التحليلة ) شقولكم يا حلوين دراسته كملته من وقت وبقيت اشرح للصبايا اللي مو فاهمينه ومتفائلة خير بيييه ، واذا بي استلم ورقة الامتحان وارى تلك الاسئلة التعجيزية القادمة من  المريخ التي ليس لها حل يذكر ولا طريقة تعرف << خير قابلة فصحى الاخت ، وكانت الدرجة زفتة ولله الحمد والمنة نعوض ان شاء الله خخخخخ

تاسع امتحان كان دين ( التربية الاسلامية – السلوك الاجتماعي في الاسلام ) يعني سهل بس الله ينتقم من الظلام لاني سويت فيهم حركة نقصوني 4 درجات ، والله قالوا حف الحواجب حرام ع كيفهم ، بمزجي كتبت مباح ومستحب خخخخ مستحيل اناقض نفسي بس يلا فدوة عن قناعاتي خخخخخ

عاشر امتحان كان الفيز ( فيزياء – اساسيات الكهرباء ) انجنيت وانا ادرسه وبالخصوص تزفيني الجميل بالمنتصف ههههه بس ما نقصت كثير بالنهائي بعد الدراسة العدلة وتتعيب العمر ما خليت مثال ولا خليت سؤال ما حليته ، ونعم الطالبة انا << عداااال يا واثق انتي

وانتهت ازمة الامتحانات وجت ازمة النتايج كنت مو متفائلة هههههه بس الحمدلله ممتاز ، صليت شكر لله  اني تميت بالتعسين ولا كنت عايشة الحين مع كان واخواتها << عبارة بتنزف زف من بيتهم

وهذا تقريرنا للامتحانات قراءة ممتعة < انتي خليتي فيها متعة من  كثر الهرج

استحملوني ابي اطلع اللي بقلبي خخخخخ

وكان الله غفوراً رحيماً

4 ردود لـ to “مشتاقتلكم”